Հայր Բոնամին գիտեր-չգիտեր, ընդամենը մի հեքիաթ գիտեր: Ամեն օր նա այդ հեքիաթն

էր պատմում և այնքան էր պատմել, որ բոլորս արդեն անգիր էինք արել: Հեքիաթը

որսորդների մասին էր և այնքան զվարճալի էր, որ լսողը ծիծաղից թուլանում էր:

Ահա այդ հեքիաթը. Լինում են, չեն լինում, երկու որսորդ են լինում: Օրերից մի օր,

սովորականի պես, շներին առաջ են անում ու գնում որսի: Էս շներից մեկը սատկած է

լինում, մյուսի բերանում էլ իսկի շունչ չի լինում: Գնում են, գնում, հասնում են մի անտառ:

Էս անտառում ոչ ծառ է լինում, ոչ էլ թուփ: Հանկարծ դիմացի թփից մի նապաստակ է

դուրս գալիս, կանգնում որսորդների առաջ, բայց սրանք ոչ մի նապաստակ էլ չեն

տեսնում: Թր՜ըխկ, թր՜ըխկ… Կրակում են, նապաստակին սպանում, ուրախանում:

Ու շվարում կանգնում են. չգիտեն, թե ինչ անեն:

– Հասկացա՜,- բացականչում է նրանցից մեկը: – Հրե՜ն, էն դղյակը տեսնո՞ւմ եք, գնանք

այնտեղ:

Գնում են: Մոտենում են թե չէ՝ տեսնում են դղյակի պատերի բոլոր քարերը դես ու դեն են

շաղ տված. դղյակ մի ասա, մի ավերակ ասա:

Թա՜կ, թա՜կ… Թակում են դղյակի դուռը, հետն էլ գոռում՝ «Ա՜յ մարդ, դուռը բաց արա, մենք

գիտենք, որ դու կաս, բայց հիմա այդտեղ չես»:

Դուռը բացում է մի մորուքավոր: Էս մորուքավորի մորուքը էնքան երկար է լինում, որ

մինչև գետին էր հասնում: Բայց մորուքի մեջ ոչ մի մազ չի լինում:

– Ի՞նչ եք ցանկանում, բարի պարոններ,- հարցնում է նա:

– Մի նապաստակ ենք սպանել, ուզում ենք տապակել, բայց նապաստակ չունենք:

– Ի՜նչ եք ասում,- պատասխանում է մարդը: – Դե լավ, նե՜րս համեցեք: Ես էլ մի մեծ

կաթսա ունեմ: Կաթսաս անտակ է, տակն էլ տակից պոկված է: Բայց ոչինչ, նապաստակը

բերեք, կկտրատենք, կլցնենք մեջը: Մսի կտորները կթափվեն, մսաջուրը կմնա:

Այսպես, ամեն օր, հայր Բոնամին մեզ պատմում էր իր այս հեքիաթը, և դա շատ

զվարճալի էր:

Հարցեր և առաջադրանքներ

1. Հեքիաթից դուրս գրի՛ր անծանոթ բառերն ու օնլայն բառարանի օգնությամբ

բացատրի՛ր:

չկա

2. Ինչի՞ մասին էր Հայր Բոնամիի հեքիաթը:

Հայր Բոնամիի հեքիաթը մի մարդու մասին էր, որը շատ էր սիրում հեքիաթ պատմել, բայց ընդամենը մի հեքիաթ է գիտեր։ Միշտ այդ զվարճալի հեքիաթն էր պատմում, ու լսողները ծիծաղից թուլանում էին։

3. Նշված բառերն ու արտահայտությունները փոխարինի՛ր ուրիշ բառերով ու

արտահայտություններով:

Հայր Բոնամին մի ծիծաղաշարժ պատմություն գիտեր:
Հայր Բոնամին մի զվարճալի պատմություն գիտեր:

Որսորդները շվարել կանգնել էին ապարանքի մոտ:
Որսորդները շփոթված ցցվել էին պալատի մոտ:

Նրանք թակեցին խորտակված դղյակի դուռը:
Նրանք բախեցին սուզված ամրոցի դուռը:

4. Հայր Բոնամիին կարո՞ղ ես նկարագրել:

Հայր Բոնամին շատ կատակասեր մարդ էր։ Նա շատ էր սիրում պատմել իր իմացած միակ հեքիաթը։

5. Սուտլիկ որսկանն ի՞նչ կասեր, եթե լսեր հայր Բոնամիի հեքիաթը:

Սուտլիկ որսկանը մի լավ կծիծաղեր հայր Բոնամիի հիքիաթի վրա և կարծում եմ՝ նրան շատ դուր կգար հեքիաթը։

6. Հորինի՛ր.

Լինում է, բայց չի լինում ․․․

Լինում է, բայց չի լինում մի տղա է լինում։ Նա գնում է դպրոց։ Դպոցում ո՛չ ուսուցիչ կար, ո՛չ էլ դասագիրք։ Հանկարծ մի ուսուցիչ մոտեցավ տղային, բայց նա ո՛չ մի ուսուցիչ էլ չնկատեց։ Հանկարծ տղան վեր թռավ քնից և հասկացավ, որ այդ ամենը երազ էր։