Թռի-վռի մի ճպուռ,
Ողջ ամառը շուռ ու մուռ,
Երգեց, ճռռաց, ճռճռաց:
Մին էլ, ըհը՜, ձմեռը,
Փռեց իրա թևերը.
Բացեց գորգը սպիտակ,
Դաշտերն առավ ձյունի տակ:
Անցան պայծառ օրերը,
Էլ ո՞ րն ասեմ, էլ ո՞ րը,
Երբ ամեն մի թփի տակ
Թե սեղան կար, թե օթյակ:
Եկան օրեր ցրտաշունչ,
Ճպուռն ընկավ լուռ ու մունջ.
Քաղցած փորին էլ ի՜նչ երգ,
Ցուրտը տարավ ոտ ու ձեռք:
Զընգր-զընգր դողալով,
Ծանր-ծանր սողալով
Նա մրջյունին ասում էր.
– Գլխիդ մատաղ, սանամե՛ր,
Մի ճա՛ր արա շունչ առնեմ,
Ցրտից, սովից չմեռնեմ:
Կերակրի՛, տաքացրու՛,
Մինչև գարուն ապրեցրու:
– Ի՜նչ խաբար է, սանիկս,
Զարմանում եմ, ջանիկս,
Չաշխատեցի՞ր ամառը,
Ասա՛, ինչ էր պատճառը:
– Էդպես բանի, սանամե՛ր,
Էլ ժամանակ ո՞ վ ուներ.
Էն խոտերում բուրավետ
Երգում էինք մերոնց հետ…
– Ուրեմն դու՞…
– Այո՛, ես
– Ողջ ամառը դեն ու դես
Երգում էի մշտապես:
– Երգո՞ւ մ էիր… շատ բարի,
Այժմ էլ բռնի վեր-վերի,
Քամին ծափ տա, դու պարի՛:
Հարցեր և առաջադրանքներ
- Բառարանի օգնությամբ գտի՛ր նշված բառերի հոմանիշները։
պայծառ -լուսավոր
լուռումունջ -սուս ու փուս
քաղցած -անոթի
բուրավետ -հոտավետ
մշտապես -անդադար
օթյակ -սրահակ
- Կանաչով նշի՛ր առակի ուրախ հատվածը։
- Կապույտով նշի՛ր առակի տխուր հատվածը։
- Ինչպիսի՞ն էր մրջյունը։
Մրջյունը աշխատասեր էր, խելացի էր։ Նա պատրաստվել էր ձմռանը և կարող էր հանգիստ ապռել։ - Իսկ ճպուռն ինչպիսի՞ն էր։
Ճպուռը չէր սիրում աշխատել և չեր պատրաստվել ձմռանը։ Նա նույնիսկ մնալու տեղ չուներ և կարող էր նույնիսկ սովից սատկել։ - Իսկ դու ինչպե՞ս կվարվեիր մրջյունի փոխարեն:
Եթե ես լինեի մրջյունի փոխարեն իհարկե, կօգնեի ճպուռին, բայց խորհուրդ կտայի, որ նա աշխատեր։